Páginas

2 may. 2018

PARA MIN UN LIBRO É...





    Para o Día do Libro queríamos que os nosos nen@s pensaran o que significa para eles a lectura e a súa importancia na súa formación. Así ao alumnado de primaria propuxémoslle elaborar un mural recollendo as súas reflexións sobre o que para eles é un libro.
    Non podíamos olvidarnos dos máis pequenos do cole, nin tampouco dunha parte inherente ao libro e á lectura, as ilustracións que acompañan a cada texto na literatura infantil e xuvenil. Deste xeito, os nen@s de infantil recomendan os sus libros preferidos convertíndose en ilustradores e debuxando, á súa maneira, as súas portadas.
   Este foi o resultado: 

     

    

    Ademáis, a ANPA colaborou na celebración deste día e o luns 23 agasallou a cada clase cunha caixa sorpresa con libros de segunda man donados por particulares para as nosas bibliotecas de aula. 

                                  

    
   Como ben sabedes, este ano tamén se celebra o 75º aniversario da publicación dunha obra universal, "El Principito" de Antoine de Saint-Exúpery. 




   Polo que aqueles que queiran traballalo nas súas aulas ou como animación lectora na biblioteca e despois facer algunha actividade aquí tedes algúns recursos atopados na web: 


   El Principito by Nazareth on Scribd



  De Actiludis: 



 Da Rede de Bibliotecas Públicas Municipais de Málaga: 

   Catalogo El Principito by Nazareth on Scribd


    Tamén podemos xogar coa imaxinación e creatividade dos nosos nen@s a través do seguinte dibuxo feito polo autor do Principiño. Que é isto? 
     A partir desta silueta que imaxinen e dibuxen o que pensen que é o que o autor esbozou no libro e os adultos, desgraciadamente, non entendían. 




    Algúns vídeos que nos poden axudar a entender o libro:













   Como non, dende a biblioteca, estes son algunhas das adaptacións para nenos e versións feitas por outros autores que podemos subir ás nosas aulas:


















21 DE MARZO: DÍA DA POESÍA

 

   Ao longo da semana da poesía tiveron lugar na biblioteca diferentes talleres de poesía realizados pol@s titoras/res e centrados fundamentalmente no libro "Poemar o mar" de Antonio García Teijeiro, gañador do Premio Nacional de Literatura Infantil e Xuvenil 2017. 

   Non propuxemos ningunha actividade cerrada, senon que a nosa intención foi "facer da poesía algo vivo", tal e como dice este gran escritor, a través de diferentes propostas ou suxerencias. A única premisa para as nosas sesións na biblioteca era "A POESÍA".
      A poesía contaxiase a través da voz, da entoación, da intensidade, do ritmo, do xogo, da emoción...E iso fixemos, xogamos coas poesías de "Poemar o mar" e con outras que nos gustaban como algún conto rimado, retahílas, acrósticos, versos encadeados, onomatopeias...: recitámolas, cantámolas, cambiamos as súas rimas, reescribímolas mesturando os seus versos ou roubando palabras dos poemas e creando outros novos deixando volar a nosa imaxinación e creatividade... e finalmente, escribímolas para colgalas no mural adicado a este autor:






MARCOS CALVEIRO E O CARTEIRO DE BAGDAD









 


   O pasado luns 9 de abril visitounos na biblioteca o escritor Marcos Calveiro para falarlle ao alumnado de 5º e 6º  de primaria sobre o seu libro "O carteiro de Bagdad".

   Esta animación resultoulles moi interesante xa que o escritor explicoulles o contexto no que se iniciou a guerra de Iraq no ano 2003. O libro relata situacións reais por medio dos seus protagonistas. Marcos Calveiro desveloulles como se lle ocorreu escribir este libro: foi lendo un artigo nun xornal, onde un carteiro iraquí explicaba a importancia do seu traballo para que a xente puidese ter novas das súas familias dentro e fóra do país: "Unha carta non é só un anaco de papel; é algo sagrado" e os carteiros arriscaban a súa vida para poder entregalas.

    Ao remate da súa exposición, os nenos e nenas puideron facerlle moitas preguntas sobre a guerra, sobre a súa carreira literario e sobre como se organiza para escribir.

 

















 

2 abr. 2018

A MARIÑA PENSANDO EN FEMININO







   
   Estes dous vindeiros meses son meses moi literarios e xa estamos pensando e preparando as actividades de cara ao día do Libro e das Letras Galegas, unha delas é a proposta dende a Microrrede PLAMBE A Mariña para a exposición conxunta no mes de maio e para a que esperamos a vosa participación tal e como fixestes o curso pasado. 

  Á volta de vacacións de Semana Santa entregaremos a carta e os materiais necesarios para levar a cabo o proxecto deste ano. A carta levará esta introdución común a todos os centros: 

Queridas familias: 
Un ano máis queremos propoñer ás comunidades educativas dos centros que formamos a “Microrrede das Bibliotecas PLAMBE da Mariña” unha nova actividade, con motivo das celebracións nos meses de abril e maio, Día do Libro e Día das Letras Galegas, que nos recordan a necesidade do fomento e dinamización da cultura, entendida como un ben común que propicia unha sociedade máis humana, igualitaria, crítica e libre. O lema deste curso é     A MARIÑA PENSANDO EN FEMININO.

   Coma ben sabedes do curso anterior, este traballo é para facer en familia, polo tanto animámosvos a participar e desenvolver esa creatividade que sabemos que tedes. 

     Cada centro participante elixe o aspecto a traballar dentro do tema proposto, que nesta ocasión, como podedes ver, ten á muller como protagonista. Dende o noso cole pensamos que, algo típico de Burela que aúna tradición e cultura coa figura da muller é a elaboración das alfombras florais para as festas: 
              " Muller e tradición: as alfombras florais"




    




   
       Esforzo e ilusión escondidos baixo as flores. Este ano ademáis é especial xa que se celebra o 25 aniversario das alfombras tal e como se elaboran actualmente, xa que antes só se facían a tramos. Decenas de veciñ@s de todas as idades traballan sen descanso durante todo o día para confeccionar cada ano o tapiz floral, un arte efímero que ten un gran traballo detrais, sobre todo das mulleres, tanto a nivel de organización como de elaboración do mesmo; vistas como unha maneira de compartir unha experiencia entre a xente do pobo, unha oportunidade de involucrar ás novas xeracións, e tamén como un exemplo de integración doutras culturas, xa bastante arraigadas na nosa vila. 

    Esta actividade será a nosa pequena homenaxe ao esforzo e traballo de tantos anos destas mulleres no mantemento desta tradición que xa forma parte da cultura mariñana e se convertiu nunha das máis importantes de Galicia. Intentamos coa nosa proposta facer un paseo en feminino a través da historia e do presente das alfombras florais visto dende a perspectiva dos nosos nen@s e as súas familias, moitas delas seguro que implicadas na elaboración das mesmas.  


  Así foi a carta que lle enviamos ás familias para que foran preparando os seus traballos e logo montar no cole a exposición: 

  
   Carta Alfombras by Nazareth on Scribd



       Así quedou fimalmente a nosa pequena exposición-homenaxe a todos aquel@s, sobre todo mulleres que traballan cada ano con ilusión na elaboración das alfombras florais. Entre os traballos das familias aparecens varios collages das alfombras reais dende o ano 1996 ata o 2018: 









      A verdade é que as familias traballaron moito e conseguimos traballos moi variados: descripcións, poemas, contos, entrevistas...


      Ademáis, nas nosas clases estamos a preparar nas clases de plástica unha pequena alfombra con elementos típicos de Burela e tamén relacionados coa muller. Estas son as plantillas que dividimos en 17 cachiños repartidos nas distintas titoráis. Veremos o resultado o día da exposición en Viveiro: 





















  A semana anterior á exposición en Viveiro colgaremos no cole o cartel da mesma, así como a información relacionada cos distintos actos e actuacións dende o 7 ao 10 de maio:







DÍA DA MULLER: "NON TAN FRÁXILES"








   Afortunadamente, moitas cousas cambiaron dende aquel desafortunado 8 de marzo de 1908, cando 146 mulleres traballadoras morrreron nunha fábrica de Nova York. Pero, a desigualdade de xénero e a discriminación son aínda cuestións vixente no mundo actual. 
   Por ese motivo, cada 8 de marzo organízanse actividades para sensibilizar en pós dunha sociedade máis xusta e igualitaria e a ANPA do noso cole contribuiu, entre outras, coa aportación deste cartel reivindicativo: "E si lle ensinamos ás nenas a ser valentes, no canto de perfectas?"  




  "A ilusión move montañas". O que teñen os nen@s de hoxe é iso: inocencia, ilusión, motivación... Aproveitémola sen marcar as diferenzas de xénero, de raza, sociais ou culturais.

   "We can do it" 

  

  
  Naceu como propaganda para manter a producción industrial en EE.UU na II Guerra Mundial, cando as mulleres tiveron que ocupar os postos de traballo que os homes deixaron nas fábricas ao ter que ir loitar á guerra, e anos máis tarde, convertiuse en icono feminista. 

   Os nen@s de hoxe son o noso futuro e han de ter moi claro que con tesón e sin complexos PODEN chegar a conseguir o que se propoñan, deixando de lado barreiras tradicionalistas. Pode haber moitos cambios, grandes ou pequenos, pero o máis importante que aínda queda pendente é o cambio de mentalidade e iso está nas mans de todos eses nenos e nenas de hoxe. 

   Para contribuír a esta celebración reivindicativa animamosvos a dar visibilidade á importancia do traballo e esforzo de distintas mulleres ao longo da historia e tamén no presente a través dunha actividade para a dinamización sociocultural de nenos e nenas do noso cole. Para iso, Libruxa propónnos elaborar un "ABC...CON NOME DE MULLER", e esta foi a carta que vos enviou coa súa proposta: 

   
   Día Da Muller by Nazareth on Scribd


  Dentro de poucos días, veremos o resultado do que o nosos nen@s investigaron sobre estas "non tan coñecidas" mulleres, pero que polos seus logros foron ou son moi importantes.

  Para facilitar a tarefa, como sempre, temos a axuda dos libros do expositor temático: 


   Entre as recomendacións do equipo de biblioteca, para perderse na súa lectura e ilustracións: 











  Ademáis, coa colaboración da ANPA, visitáronnos no cole as integrantes do grupo BATUKO TABANKA, mulleres caboverdianas que a través da música manteñen vivos a tradición e folklore do seu país de orixe. Un intercambio intercultural que dende logo todos desfrutamos: 





   

4 mar. 2018

SEMANA DA PRENSA NA ESCOLA


   Esta semana celébrase na escola a Semana da Prensa, que aparece no calendario escolar de Galicia dende o 1989 con intención de integrar os medios de comunicación na aula e de que, polo menos, uns días se traballe co xornal na aula.

   Libruxa envioulles aos nen@s unha carta cunha nova proposta:

   Semana Da Prensa by Nazareth on Scribd

   Deste xeito, intentaremos aproveitar esta vindeira semana para achegarnos un ano máis á prensa, ben na clase, na biblioteca ou na aula TIC, xa que Libruxa como resultado final de toda a semana proponnos unha actividade baixo o lema: 

             "TAL DÍA COMA HOXE FAI.....ANOS"

   Remóntate ao ano que queiras. Busca unha noticia cun acontecemento ou suceso que capte o teu interese, que che pareza curiosa ou interesante. Analiza a noticia na clase/biblioteca e, finalmente, convértete nun/ha reporteiro/a e informa sobre os feitos reescribindo a noticia. 

   Para levar a cabo esta proposta, o equipo de biblioteca elaborou un documento que vos presenta en PDF para que poidades descargalo e usalo como traballo previo. Neste documento tamén aparece explicada esta actividade final con plantillas para que poidades usalas na presentación da mesma. 


   Semana Prensa by Nazareth on Scribd

   Asimesmo, tamén se poden empregar os seguintes recursos: 


   PÁXINAS DE XORNAIS:















  RECURSOS DE AULA: 






                                            PEQUES PERIODISTAS ( Web para Educación Infantil)




   UNIDAD DIDÁCTICA "LA PRENSA INFANTIL" (Slideshare)


    Libruxa espera que vos divirtades moito esta semana traballando cos xornais e revistas que chegarán ao noso centro e que estarán á vosa disposición nas clases e na biblioteca e, por suposto,  aprendades moitas cousas sobre o fascinante mundo do periodismo.
        Espera impaciente a creación das vosas noticias.




  Para motivarnos aínda máis, os nen@s de 3º, 4º 5º e 6º tiveron unha visita especial: a periodista de La Voz de Galicia (redacción de Viveiro), María Cuadrado, e que moi amablemente fixo un oco na súa axenda para pasar unha mañá con nós. Con ela, tiveron a oportunidade de coñecer de primeira man como é a profesión dun periodista, como funciona un periódico, como elixen as noticias...e todas aquelas preguntas que se lles foron ocorrendo durante a charla:















   Ademáis tamén recollemos algúns momentos de traballo coa prensa na aula ao longo desta semana: